ریاست تلنگانہ کی حکمران جماعت ٹی آرایس کا ایک لیڈر نہر میں بہہ گیا۔راجنا سرسلہ ضلع کے تنگالاپلی کا ٹی آرایس لیڈر جے سرینواس، سدی پیٹ ضلع میں شنی گارم۔بداپلی روڈ علاقہ کی نہر میں بہہ گیا۔
کل شب وہ اپنے تین ساتھیوں کے ساتھ کار میں منتھنی علاقہ جارہا تھاکہ اسی دوران مدی کنٹہ کی نہر میں یہ افراد بہہ گئے۔ان کو دیکھ کر مقامی افراد تین افراد کو بچانے میں کامیاب ہوگئے تاہم کار سمیت سرینواس نہر میں بہہ گیا۔اس واقعہ پر ٹی آرایس کے کارگذار صدر وانفارمیشن ٹکنالوجی کے وزیر تارک راما راو نے سدی پیٹ ضلع کلکٹر کو فون کرتے ہوئے اس کی تلاش شروع کی گئی ،مہم میں شدت پیداکرنے کی ہدایت دی ہے۔
وزیر موصوف کی ہدایت کے بعد سدی پیٹ آرڈی او نے تلاشی مہم میں شدت پیداکردی۔یہ چاروں کریم نگر ضلع کی کان میں کام کرتے تھے۔بچائے گئے افراد کی شناخت بی سری دھر،جے سریش اور اے سرینواس کے طورپر کی گئی ہے۔
