حیدرآباد: تلنگانہ کے ضلع جگتیال میں پیش آئے سڑک حادثہ میں تین خواتین ہلاک اور دیگر دو شدید زخمی ہوگئیں۔ یہ حادثہ ضلع کے ویلگاٹور منڈل کے کرشناپٹنم اسٹیج کے قریب اُس وقت پیش آیا جب تیز رفتار کار کے ڈرائیور نے توازن کھو دیا اور یہ کار، آٹو سے ٹکرا گئی۔ حادثہ اتنا شدید تھا کہ آٹو میں سفر کرنے والی تین خواتین موقع پر ہی ہلاک ہوگئیں جبکہ دیگر دو شدید زخمی ہوگئیں۔ Road Accident in Telangana
مقامی افراد نے زخمی خواتین کو علاج کے لئے اسپتال منتقل کیا۔اطلاع ملتے ہی پولیس وہاں پہنچی جس نے لاشوں کو پوسٹ مارٹم کے لئے بھیج دیا۔ پولیس نے بتایا کہ مہلوک خواتین کا تعلق ضلع کے دھرماورم منڈل کے کملاپور سے ہے۔ پولیس نے اس سلسلہ میں ایک معاملہ درج کرکے جانچ شروع کردی۔
یہ بھی پڑھیں: Morena Bus Accident اسکول بس کو ٹرک نے ماری ٹکر، درجنوں بچے زخمی
یو این آئی
