تروپتی: آندھرا پردیش میں تروپتی کے قریب بھگت سنگھ نگر میں اتوار کی علی الصبح تین منزلہ عمارت میں آگ لگنے سے ایک ڈاکٹر اور اس کا بیٹا اور بیٹی ہلاک اور دو دیگر زخمی ہوگئے۔Fire Breaks out In Andhra Pradesh
پولیس نے یہاں بتایا کہ عمارت کی پہلی منزل پر تقریباً صبح 4.30 بجے آگ لگی۔ عمارت کے گراؤنڈ فلور پر ایک ڈاکٹر کا کلینک بھی ہے۔
اس واقعہ میں ڈاکٹر روی شنکر ریڈی اور ان کے بیٹے سدھو (12) اور بیٹی کارتیکا (6) کی موت ہوگئی۔ تینوں کو علاج کے لیے دوسرے اسپتال بھی منتقل کیا گیا۔ تاہم وہ زخموں کی تاب نہ لاتے ہوئے چل بسے۔
فائر بریگیڈ نے جائے واقع پر پہنچ کر ڈاکٹر کی اہلیہ ڈاکٹر اننت لکشمی اور والدہ راماسبما کو بچا لیا۔ بعد ازاں فائر فائٹرز نے آگ پر قابو پالیا۔ آگ لگنے کی اصل وجہ تاحال معلوم نہیں ہو سکی ہے۔ پولس معاملے کی تحقیقات کر رہی ہے۔
پولیس نے بتایا کہ تمام لاشوں کو تروپتی کے سرکاری رویا اسپتال بھیج دیا گیا ہے۔
یہ بھی پڑھیں: Andhra Pradesh Fire آندھرا پردیش میں آگ لگنے سے تین افراد زندہ جلے
یواین آئی
