حیدرآباد: حالیہ دنوں کے دوران تلنگانہ کے دارالحکومت حیدرآباد سمیت دیگر علاقوں میں کتوں کے حملہ کے واقعات میں اضافہ درج کیا جا رہا ہے۔ تفصیلات کے مطابق کریم نگر ضلع کے ماناکنڈور منڈل کے پوچم پلی میں ایک ماہ قبل ایک 13 سالہ لڑکی کو کتے نے کاٹا تھا۔ اسے قریبی اسپتال لے جایا گیا جہاں پر ابتدائی طبی امداد کے بعد اس کو بہتر علاج کے لئے حیدرآباد منتقل کیا گیا جہاں علاج کے دوران اس کی موت ہوگئی۔ ریاست کے کئی اضلاع، قصبوں اور دیہاتوں میں سڑکوں پر آوارہ کتوں کی تعداد میں حالیہ دنوں کے دوران کافی اضافہ ہوگیا ہے۔ یہ کتے رات کو موٹرسائیکلوں کا پیچھا کرتے ہیں اور گاڑی سواروں کو دہشت زدہ کرتے ہیں۔
یہ بھی پڑھیں: Stray Dogs Killed Boy آوارہ کتوں کے حملے میں چار سالہ بچہ کی موت
گذشتہ 19 فروری کو حیدرآباد کے عنبرپیٹ میں کتوں کے حملے میں ایک چار سالہ لڑکا ہلاک ہوگیا تھا، اس موقع پر حکام نے کتوں کو پکڑنے کے لیے چار دن تک مہم چلائی تاہم اس کے بعد کتوں کو پکڑنے کے لئے کوئی مناسب اقدامات نہیں کئے گئے۔ واضح رہے کہ تین روز قبل تلنگانہ کے کھمم ضلع میں ایک آوارہ کتے نے سڑک پر کھیل رہے 5 سالہ بچے پر حملہ کر دیا۔ کتے کے حملے میں بچے کی موت ہو گئی۔ بتایا جا رہا ہے کہ کتے کے حملے سے بچہ شدید زخمی ہو گیا۔ شدید زخمی بچے کو علاج کے لیے اسپتال لے جایا گیا جہاں وہ زخموں کی تاب نہ لاتے ہوئے دم توڑ گیا۔ بتایا گیا کہ کتے کے حملے کے دوران بچے کا کافی خون بہہ گیا۔ اس کے بعد اسے ایک پرائیویٹ اسپتال لے جایا گیا جہاں اس نے دم توڑ دیا۔
یو این آئی
