حیدرآباد: ریاست بہار کے ضلع مدھو بنی کی مردم خیز بستی ململ میں گریٹ انڈیا فاؤنڈیشن ٹر سٹ کے تحت ململ اور اس کے مضافات کے بچوں کو معیاری تعلیم و تربیت کے پیش نظر ایک سال قبل گریٹ انڈیا اکیڈمی کی بنیاد ڈالی گئی تھی،ملک کے متعدد شہروں میں مقیم ململ اور قرب و جوار کے باشندوں کو گریٹ انڈیا فاؤنڈیشن ٹر سٹ کے منتظمین کی جانب سےاکیڈمی کے مشن اور ویژن سے واقف کر انے کے لئے تقریبات منعقد کئے جارہے ہیں۔ great aims of the Great India Academy
قومی دارلحکومت دہلی میں پروگرام کے بعد ريا ست تلنگانہ کے دار الحکومت حیدر آباد کے ٹوِ لی چوکی میں واقع فور سیزن کے بنکٹ ہا ل میں پروگرام منعقد ہوا،اس پروگرام میں حیدر آباد میں مقیم ململ اور اسکے مضافات کے باشندوں نے شرکت کر کے اپنی علم دوستی اور ادب نوازی کا ثبوت پیش کیا،پروگرام سے خطاب کرتے ہوئے معروف عالم دین مو لانا عمر عابدین قاسمی نے موجودہ وقت میں ملک بھر میں مجموعی طور پر مسلمانوں کی تعلیمی صو رتحال پر روشنی ڈالی،انہوں نے حکومت کی قومی تعلیمی پالیسی میں مضمر منفی اور سازشی نظریات کو طشت ازبام کیا۔
مزید پڑھیں:Education is a Powerful Weapon تعلیم کے ذریعہ اعلیٰ مقام حاصل کیا جا سکتا ہے
اسکول کے چیئر مین مولانا اکر ام الرحمن فلاحی نے گریٹ انڈیا فاؤنڈیشن ٹرسٹ کے اغراض و مقاصد پر روشنی ڈالی،اسکول کے مشن اور ویژ ن سے با شند گان ململ کو واقف کرایا،مذکورہ اکیڈمی کے ایکز کیٹو ڈاریکٹر نجم الہدی ثانی نے ململ میں گریٹ انڈیا فاؤنڈیشن ٹرسٹ کے تحت اکیڈ می کا قیام اور اسکے دور رس نتائج پر اظہار خیال کیا۔
اس موقع پر گریٹ انڈیا فاؤنڈیشن ٹرسٹ کے زمه دران شاہد جمال گڈو،مہتاب عالم،حافظ ضیا الرحمن،مولاناانعام الرحمن،مو لانا اسرار احمد ،حسن تو حیدسمیت کثیر تعداد میں مردو خواتین موجود تھیں۔
