Oil Tanker Overturned in AP: آئیل ٹینکر الٹ گیا، لوگ تیل لینے برتن لے کر پہنچ گئے

اس واقعہ کے ساتھ ہی مقامی افراد کی بڑی تعداد نے وہاں پہنچ کر اپنے ساتھ لائے ہوئے برتنوں میں تیل بھرنا شروع کردیا۔ Oil Tanker Overturned in AP

آندھراپردیش کے ضلع پالناڈومیں کھانے کے تیل کا ٹینکر الٹ گیا جس کے بعد مقامی افراد خوردنی تیل لینے کے لئے بڑے بڑے برتن لے کر پہنچ گئے۔ یہ واقعہ ضلع کی نارکٹ پلی۔آدنکی شاہراہ پر پیش آیا۔ ٹینکر چنئی سے حیدرآباد کی سمت جارہا تھاکہ ہائی وے پر اس کے ڈرائیور نے اس کا توازن کھودیا جس کے نتیجہ میں یہ ٹینکر الٹ گیا اور اس سے تیل کا اخراج شروع ہوگیا۔ اس واقعہ کے ساتھ ہی مقامی افراد کی بڑی تعداد نے وہاں پہنچ کر اپنے ساتھ لائے ہوئے برتنوں میں تیل بھرنا شروع کردیا۔اطلاع کے ساتھ ہی پولیس وہاں پہنچی جس نے ہجوم پر قابو کرنے کی کوشش کی تاہم عوام نے پولیس کی پرواہ نہیں کی۔اس واقعہ کے نتیجہ میں شاہراہ پربڑے پیمانہ پر ٹریفک جام رہی۔بالاخر پولیس نے کرین کی مدد سے ٹینکرکووہاں سے ہٹادیا۔ Oil Tanker Overturned in AP

یواین آئی