پانچ ٹینکرز کے ساتھ پہلی آکسیجن ایکسپریس ٹرین جس نے اوڈیشہ کے انگول سے اپنے سفر کا آغاز کیا تھا،اتوار کوتلنگانہ پہنچی۔
پانچ خالی ٹینکرز سکندرآباد سے 28اپریل کو بھیجے گئے تھے۔لکویڈ آکسیجن کے ساتھ بھرے ہوئے یہ ٹینکرز اوڈیشہ سے سکندرآباد کے لئے روانہ ہوئے تھے۔ان میں 124.26 ایم ٹی ٹن آکسیجن ہے۔
یہ پہلی آکسیجن ایکسپریس ہے جو تلنگانہ کے سکندرآباد پہنچی۔محفوظ،رکاوٹ سے پاک اور تیز تر ٹرانسپورٹیشن کے لئے آکسیجن ایکسپریس ٹرینس کی انڈین ریلویز کی جانب سے شروعات کی گئی ہے جن کے ذریعہ اس مشکل گھڑی میں ملک کے مختلف حصوں کو آکسیجن پہنچانے کا کام کیاجارہا ہے۔
اس قدم کے تحت ریاستی حکومتوں کی درخواست پر یہ ٹرینیں چلائی جارہی ہیں۔ریاستوں کو آکسیجن کی ضروریات کی تکمیل کے لئے ساوتھ سنٹرل ریلوے کی جانب سے یہ ٹرینیں چلائی جارہی ہیں۔
