محکمہ موسمیات کے مطابق تلنگانہ میں اگلے ہفتے تک درجہ حرارت میں مزید اضافے کا امکان ہے۔
درجہ حرارت کی وجہ سے موسم کی حدت میں بے انتہا اضافہ ہوگیا، حالاںکہ لاک ڈاؤن کی وجہ سے لوگ گھروں میں ہی ہیں جبکہ گرمی کی وجہ سے گھروں میں بھی رہنا محال ہوگیا ہے۔
حیرت کی بات یہ کہ اتنی شدید دھوپ کے باوجود ذمہ دار اداروں اور محکموں کی جانب سے نہ اس مرتبہ ہدایات جاری کی گیئں نہ ہی احتیاطی تدابیر کے متعلق شعور بیداری کے لیے اقدامات۔
محکمہ موسمیات کے مطابق گرمی کی شدت کی پیش قیاسی کرتے ہوئے بتایا کہ رواں ماہ کے اختتام تک موسم کی شدت اسی طرح برقرار رہے گی جبکہ جون کے وسط میں مانسون آنے کے امکانات ہیں۔
ڈاکٹرز نے عوام کو دھوپ سے بچنے کا مشورہ دیا اور کہا کہ بچوں اور بزرگوں کو دھوپ سے نقصان ہوسکتا ہے چوںکہ لاک ڈاؤن کے باعث ہسپتال بند ہیں اس لیے ڈاکٹر نے ای ٹی وی بھارت کے ذریعے عوام کو مفید مشوروں سے نوازتے ہوئے چند دوائیں اور نسخے تجویز کیے تاکہ بر وقت راحت پہنچ سکے۔
