Lion Attack in Telangana تلنگانہ میں شیر کے حملے میں نوجوان زخمی

تلنگانہ کے کومرم بھیم آصف نگر میں ایک شیر نے بائیک سوار ایک نوجوان پر حملہ کر دیا۔ اس حملے میں نوجوان زخمی ہو گیا جسے ہسپتال میں داخل کرایا گیا ہے۔ Lion Attack in Asif nagar of Telangana

حیدرآباد: ریاست تلنگانہ کے کومرم بھیم آصف نگر میں ایک شیر نے بائیک پر سوار ایک نوجوان پر حملہ کر دیا جس کے نتیجہ میں وہ زخمی ہوگیا۔ کاغذنگر سے تعلق رکھنے والا یہ شخص وانکیڈی منڈل کی سمت آرہا تھا کہ ان کو ساپور کو پار کرنے کے بعد جھاڑیوں میں سے ایک شیر نے اچانک ان پر حملہ کردیا جس کے نتیجہ میں یہ نوجوان گھبرا کر سڑک پر نیچے گرپڑا۔ اس حملہ کے بعد شیر بھی دوسری طرف نیچے گر پڑا۔ Youth injured in Lion Attack in Kumuram Bheem

اس واقعہ کے بعد خوف کے عالم میں یہ نوجوان، اپنی بائیک کو چھوڑ کر تقریبا ایک کلومیٹر تک دوڑتا رہا۔ اطلاع ملتے ہی اس کو علاج کے لئے اسپتال منتقل کیاگیا۔اس سلسلہ میں محکمہ جنگلات کے عہدیداروں کو چوکس کیاگیا جنہوں نے وہاں پہنچ کر شیر کے پنجوں کے نشانات کو پایا۔ محکمہ جنگلات کے حکام نے مشورہ دیا ہے کہ شیروں کی نقل وحرکت کے پیش نظر چوکسی اختیار کی جائے۔

یو این آئی