رمضان المبارک کے پیش نظر وقف بورڈ کی میٹنگ

رمضان المبارک کے پیش نظر تلنگانہ وقف بورڈ کے صدر محمد سلیم نے علمائے کرام، پولیس افسران اور دیگر سرکاری عہدیداران کے ساتھ میٹنگ کی۔

اس میٹنگ میں ماہ رمضان المبارک میں بجلی اور پانی کی سہولیات کو بر وقت فراہم کرنے کی اپیل کی گئی۔

وقف بورڈ کے صدر محمد سلیم نے عوام سے اپیل کی کہ وہ کورونا وائرس سے جنگ میں حکومت کا ساتھ دیں اور رمضان المبارک میں گھروں میں ہی عبادت کو ترجیح دیں۔

اس اجلاس میں مولانا حافظ محمد عثمان نقشبندی، مولانا حسام الدین جعفر پاشا، مولانا نثار حسین آغا کے علاوہ سرکاری عہدیدار بھی موجود تھے -