ریاست میں کورونا کے نئے 33 مثبت کیسز درج کئے گئے جسکے ساتھ ہی کورونا متاثرین کی کل تعداد 1196 ہوگئی ہے۔
ہیلتھ بلٹین کے مطابق نئے کیسز میں 26 گریٹر حیدرآباد میونسپل کارپوریشن حدود میں پائے گئے جبکہ ماباقی سات متاثرین کا مائیگرینٹ مزدوروں سے تعلق ہے۔
فی الوقت ریاست میں 415 کورونا مریضوں کا علاج کیا جارہا ہے اور اب تک 751 مریضوں کو صحتیابی کے بعد ہسپتال سے ڈسچارج کیا گیا ہے۔ ریاست میں اس وبا سے 30 اموات ہوئی ہیں۔
بلٹین کے مطابق نرمل، محبوب آباد، منچریال، ورنگل اربن، نارائن پیٹ، بھدرادری کتہ گوڑم، وقار آباد، سوریہ پیٹ، عادل آباد، نظام آباد، نلگنڈہ، آصف آباد، کھمم، یادادری، ونپرتی، کریمنگر، سرسلہ، کاماریڈی، محبوبنگر، میدک، بھوپال پلی، سنگاریڈی، ناگرکرنول، ملگ، پدا پلی اور سدی پیٹ میں گذشتہ 14 دنوں کے دوران ایک بھی مثبت کیسز درج نہیں کیا گیا ہے۔
