تلنگانہ کے نرمل ضلع میں ڈرامائی انداز میں رئیل اسٹیٹ کے تاجر کے اغوا کے معاملہ کو پولیس نے حل کرتے ہوئے ملزمین کو گرفتار کرلیا۔
تفصیلات کے مطابق نرمل ضلع کے دیویانگر تنوی اپارٹمنٹ میں رہنے والے رئیل اسٹیٹ کے تاجر جس کی شناخت وجے دیشپانڈے کے طور پر کی گئی ہے، کا بعض نامعلوم افراد نے اتوار کی صبح اغوا کرلیا تھا۔
یہ بھی پڑھیں:حیدرآباد میں دیر رات قاضی نجم الدین کا نامعلوم افراد نے قتل کیا
وہاں موجود سی سی ٹی وی کیمروں کے فوٹیج میں دکھایا گیا ہے کہ ملزمین، لفٹ سے نیچے اتررہے تھے۔ انہوں نے ہی دیشپانڈے کا اغوا کیا۔ دیشپانڈے کے ارکان خاندان نے فوری طور پر پولیس کو اس بات کی اطلاع دی جس کے بعد پولیس کو پتہ چلا کہ دو وینس توپران کی سمت گئی ہیں۔
پولیس نے فوری طور پر دو ٹیموں کو چوکس کیا جنہوں نے ان گاڑیوں کا تعاقب کرتے ہوئے اغواکاروں کو گرفتار کرلیا۔ پولیس نے رئیل اسٹیٹ کے تاجر کے افراد خاندان کو بتایا کہ وہ محفوظ ہیں۔ بتایا جاتا ہے کہ اراضی کے تنازعہ کے سلسلہ میں یہ اغوا کیا گیا۔
