تلنگانہ ضلع پداپلی کے حلقہ منتھنی کے رکن اسمبلی ڈی شریدھر بابو کورونا مثبت پائے گئے ہیں۔ انہوں نے ٹویٹر پر انکشاف کیا کہ وہ کووڈ-19 سے متاثر ہوگئے ہیں۔ انہوں نے بتایا کہ ان کے ساتھ ایک سکیورٹی گارڈ بھی کورونا مثبت ہوا ہے۔
منتھنی رکن اسمبلی شریدھر بابو نے ٹویٹ کرکے یہ اطلاع دی کہ وہ کورونا میں مبتلا ہیں اور ان کا ایک سکیورٹی گارڈ بھی اس مرض میں مبتلا ہے۔
رکن اسمبلی نے کہا کہ ان کی صحت ٹھیک ہے۔ انھوں نے اپنے دوست و احباب اور محبین سے کہا کہ کسی کو پریشان ہونے کی ضرورت نہیں ہے۔ وہ اور ان کے سیکورٹی گارڈ قرنطین ہوگئے ہیں۔ رکن اسمبلی نے درخواست کی کہ پچھلے دنوں میں ان کے رابطے میں آئے افراداپنا اپنا کورونا ٹیسٹ کروالیں۔
