ریاست تلنگانہ میں لاک ڈاون کی مدت 29 مئی تک توسیع کردی گئی ہے ۔
وزیراعلی نے کہا "عوام شام 6 بجے تک ضروری اشیا کی خریداری مکمل کرلیں اور وہ اپنی رہائش گاہوں تک پہنچ جائیں۔
شام 7 بجے سے ریاست میں کرفیو ہوگا۔ کرفیو وقت میں کسی بھی شخص کے باہر نکلنےپر پولیس کاروائی کرے گی۔
واضح رہے کہ تلنگانہ میں قبل ازیں سات مئی تک لاک ڈاون نافذ تھا جس میں آج توسیع کرتے ہوئے 29 مئی کردیا گیا ہے۔
مرکزی وزارت صحت نے تلنگانہ کے چھے اضلاع کو ریڈزون میں شامل کیا ہے،جبکہ حیدرآباد کے رچا کونڈہ پولیس حدود کے مصروف ترین علاقے ونستھلی پورم میں واقع چند کالونیز کو بھی ایک ہفتے تک کے لیے کنٹینمینٹ زون قرار دیا گیا ہے۔
کورونا کیسز میں کمی کے بعد اچانک اضافے سے ریاست بالخصوص گریٹر حیدرآباد کی عوام میں تشویس پائی جارہی ہے۔
