حیدرآباد: تلنگانہ کے وزیرداخلہ محمد محمود علی نے 2023 کے عازمین حج کے لئے آن لائن درخواستوں کے کاؤنٹرس کا بٹن دباکر افتتاح کیا۔ریاستی حج ہاوس میں آن لائن حج فارم بھرنے اور جمع کرنے کا سلسلہ شروع ہوگیا۔حج ہاوس میں لوگوں کی بھیڑ امڈنے لگی ہے۔ تلنگانہ حج کمیٹی کے صدر محمد سلیم،وقف بورڈ کے صد محمد مسیح اللہ خان،اقلیتی مالیاتی کارپوریشن کے صدر محمد امتیاز اسحاق، اے آئی ایم آئی ایم کے رکن اسمبلی جعفر حسین معراج، اگزیکیٹیو آفیسر حج کمیٹی بی شفیع اللہ،ارکان حج کمیٹی سید نظام الدین (نارسنگی)، محمد جعفر خان،مولانا میر نادر علی رضوی دیگر موجود تھے۔
وزیر داخلہ محمد محمود علی، تلنگانہ حج کمیٹی کے صدر محمد سلیم‘ اگزیکیٹیو آفیسر حج کمیٹی بی شفیع اللہ نے میڈیا نمائندوں کو مخاطب کرتے ہوئے کہا کہ توقع ہے کہ اس سال 6 ہزار سے زیادہ تلنگانہ ریاست کے عازمین حج حیدرآباد سے جدہ کو روانہ ہوں گے۔ 70 سال کے عمر والے عازمین اپنے خاندان کے ایک فرد کے ساتھ حج کرسکتے ہیں۔
یہ بھی پڑھیں:Maulana Azad National Urdu University مرکزی وزارت آبی وسائل کی ٹیم نے مانو کا دورہ کیا
انہوں نے کہا کہ 10 فروری سے عازمین حج آن لائن درخواستیں داخل کرسکتے ہیں جو 10 مارچ تک داخل کی جاسکتی ہیں۔ جو لوگ حج کےلئے جانا چاہتے ہیں انہیں جلد سے جلد اپنے پاسپورٹس کی تجدید (Renewal) کروانا چاہیے۔ انہوں نے کہا کہ ریاستی حج کمیٹی کی قرعہ اندازی میں نام آنے کے بعد صرف 2 صورتوں میں عازمین حج اپنا سفر منسوخ کرسکتے ہیں۔ پہلی ان کی موت ہونا یا دوسری ان کی بیماری کی وجہ شامل ہے۔ انہوں نے کہا کہ حج کمیٹی آف انڈیا کے رہنمایانہ خطوط کے مطابق عازمین حج کو کوویڈ۔19 کے 2 ویکسین لینا نہایت ضروری ہے۔
