تلنگانہ ہائی کورٹ نے سرکاری ملازمین اور وظیفہ یابوں کی رقم میں کٹوتی کرنے سے متعلق حکومت کے جاری کردہ آرڈیننس پر نوٹس جاری کی ہے۔
عدالت نے تین ہفتوں کے اندر جواب دینے کی حکومت کو ہدایت دی ہے۔ ریٹائرڈ آئی ایف ایس آفیسر رمن گوڑ نے ہائی کورٹ میں ایک درخواست داخل کرتے ہوئے آرڈیننس کو چیلنج کیا اور کہا کہ حکومت کو وظیفہ میں کٹوتی کا کوئی حق نہیں ہوتا ۔
واضح رہے کہ تلنگانہ حکومت نے دو روز قبل آرڈینس جاری کرتے ہوئے سرکاری ملازمین کی تنخواہوں اور ریٹائرڈ ملازمین کے وظیفے میں اگلے تین سے چار ماہ کٹوتی کرنے کا فیصلہ کیا ہے۔
