کے سی آر نے ایک جائزہ اجلاس میں کہا کہ اگر لاک ڈاون میں مزید چند روز کی توسیع کی جائے تو عوام اس میں تعاون کریں اور حکومت کے رہنمایانہ ہدایت پر سختی سے عمل کرتے ہوئے کورونا وائرس کو مزید پھیلنے سے روکیں۔
وزیراعلیٰ نے عوام سے کہا کہ اگر مزید چند روز اسی انداز میں لاک ڈاون پر عمل کیا گیا تو صورتحال مزید بہتر ہوگی۔
انہوں نے کہا کہ وزیراعظم نریندر مودی، ویڈیو کانفرنس کے ذریعہ ملک کے وزرائے اعلیٰ سے بات چیت کریں گے جبکہ اس دوران ملک میں کورونا وائرس سےنمٹنے کےلیے کئے جانے والے اقدامات کے تعلق سے معلومات حاصل ہوں گی۔
تلنگانہ کے وزیراعلیٰ کی جانب سے منعقدہ جائزہ اجلاس میں وزیر صحت ای راجندر، چیف سکریٹری سومیش کمار، ڈائرکٹر جنرل پولیس مہندر ریڈی، مشیراعلیٰ راجیو شرما، پرنسپل سکریٹری نرسنگ راؤ، شانتا کماری، راما کرشا اور دوسرے اعلیٰ عہدیداروں نے شرکت کی۔
انہوں نے کہا کہ اگر موجودہ لاک ڈاون کو مزید چند روز کےلیے توسیع دی جائے، جس پر عوام عمل کرتے ہوئے احتیاطی اقدامات کریں اور شخصی حفظان صحت برقرار رکھیں تو وائرس کو پھیلنے سے روکا جاسکتا ہے۔
