تلنگانہ میں دسویں جماعت کے امتحانات کا آغاز

ریاست تلنگانہ میں آج سے دسویں جماعت کے امتحانات کا آغاز ہوا ہے۔ کوروناوائرس کے تناظر میں محکمہ تعلیم کی جانب سے اس بار امتحانی مراکز میں نزلہ، کھانسی یا بخار سے متاثر طلباء کے لیے علیحدہ کمروں کا نظم کیا گیا ہے۔

اس برس تلنگانہ میں تقریباً 5 لاکھ 34 ہزار 903 طلباء دسویں کے امتحانات میں حصہ لیں گے۔ وہیں کورونا وائرس کو مدنظر رکھتے ہوئے محکمہ تعلیم نے خاص اقدام اٹھائے ہیں۔

اس بار محکمہ تعلیم کی جانب سے امتحانی مراکز پر نزلہ، کھانسی یا بخار سے متاثر طلباء کیلئے علیحدہ کمروں کا نظم کیا گیا۔ ان علامات سے متاثر طلباء سے خواہش کی گئی ہے کہ وہ دوسروں کی صحت کا خیال کرتے ہوئے علیحدہ کمروں میں امتحانات دیں۔

حکومت اور محکمہ تعلیمات کی جانب سے ماسک لگا کر امتحان گاہ میں آنے کی اپیل پر امتحان میں حاضر ہونے والے اکثر طلباء کو احتیاطی تدابیر کے طور پر فیس ماسک لگا کر مراکز پر آتے دیکھا گیا۔