حال ہی میں پے رویثرن کمیشن(پی آرسی) کی سفارشات کے موقع پرمدعو نہ کئے جانے اور کمیشن کی جانب سے تنخواہوں پر کم نظرثانی کے نامناسب اعلان پر برہمی ظاہر کرتے ہوئے اساتذہ کی تنظیم ٹی پی یوایس کے لیڈروں نے شہر حیدرآباد میں بی آر کے بھون کے محاصرہ کی کوشش کی جس کو پولیس نے ناکام بنادیا اور احتجاجیوں کو گرفتار کرلیا۔
اس موقع پر ان احتجاجیوں نے اپنے مطالبہ کی حمایت میں نعرے بازی کی اور کہا کہ کمیشن کی جانب سے جو فٹ منٹ کا اعلان کیاگیا ہے وہ انتہائی ناکافی ہے۔
انہوں نے مطالبہ کیاکہ 45 فیصد فٹ منٹ دیاجائے۔اس موقع پر پولیس اور احتجاجیوں کے درمیان لفظی بحث وتکرار بھی ہوئی۔
پولیس نے ان پر قابو پاتے ہوئے ان کو حراست میں لے کر مختلف پولیس اسٹیشنس منتقل کردیا۔
حال ہی میں پی آر سی نے تلنگانہ کے سرکاری ملازمین کی بیسک تنخواہ پر 7.5فیصد فٹ منٹ دینے کی حکومت سے سفارش کی تھی تاہم اس سفارش پر سرکاری ملازمین کی تنظیموں کی جانب سے مخالفت کرتے ہوئے اس میں اضافہ کرنے کا مطالبہ کیا جارہا ہے اور اس اضافہ کی سفارش کو ناکافی قراردیا جارہا ہے۔
یہ بھی پڑھیں: 'مدرسہ عالیہ کی عمارت حکومت کی لاپرواہی کی وجہ بوسیدہ'
