محکمہ موسمیات کے عہدیدار بی راجہ راو نے کہا کہ جاریہ سال سرما کا موسم گزشتہ برسوں کے موسم سرما کے مقابلہ کافی شدید تھا اسی طرح جاریہ سال موسم گرما کی بھی شدت زیادہ ہوگی۔
شہر حیدرآباد میں اوسطا درجہ حرارت تقریبا 20 ڈگری سسلیس درج کیا جارہا ہے جو ان دنوں کے معمول کے درجہ حرارت سے تین ڈگری زائد ہے۔
اعظم ترین درجہ حرارت جنوری میں دو تا تین ڈگری زائد درج کیا گیا ہے اور یہی صورتحال فروری میں بھی برقرار ہے۔ اس سے اس بات کا اندازہ لگایا جاسکتا ہے کہ اس مرتبہ گرمی کی شدت زیادہ ہوگی۔
ہندوستانی محکمہ موسمیات کے مطابق اعظم ترین درجہ حرارت امکان ہے کہ فروری کے اواخر میں تقریبا 38 ڈگری سلسیس درج ہوگا۔ تلنگانہ کے 28 اضلاع میں درجہ حرارت معمول سے زائد درج کیا جارہا ہے۔
اعظم ترین درجہ حرارت 36 ڈگری سلسیس منچریال میں درج کیاگیا جس کے بعد 37.5 ڈگری سلیس پداپلی ضلع میں درج کیا گیا۔
محکمہ موسمیات کے عہدیدار دستیاب ڈاٹا کا تجزیہ کررہے ہیں تاکہ آئندہ گرما کے بارے میں رپورٹ تیار کی جاسکے۔یہ رپورٹ فروری کے اواخر ہفتہ میں جاری کی جائے گی۔
