حیدرآباد: ساڑی پالش کرنے والے کاریگروں کا برا حال

کورونا وائرس کے سبب ملک میں نافذ لاک ڈاؤن سے کاروبار شدید متاثر ہوا ہے۔ ساڑی میں پالش کرنے والے کاریگر بھی اس سے بچ نہیں سکے۔ آج وہ معاشی حالات سے دو چار ہیں۔

حیدرآباد کے علاقہ مشیرآباد میں ساڑی پولش اور ڈرائی کلین کرنے کے کارخانے ہیں۔ ان کارخانوں میں کاٹن سلک اور دیگر ساڑیوں کی پولش ہوتی ہے۔

کپڑے کے تاجر ساڑی پولش کا کام کرواتے ہیں۔ ایک ساڑی پولش کرنے والے کو 40 روپے ملتے ہیں۔ شادیوں کے سیزن میں اس کا بہت کام ہوتا ہے۔

اسکول اور کالج بند رہنے سے بھی کاروبار پر اثر ہوا ہے۔ اس کام میں تین سے چار لوگ ہوتے ہیں۔ لاک ڈاؤن کے بعد کاروبار کو کافی نقصان پہنچا ہے۔

پہلے روزانہ ایک ہزار سے زائد کی آمدنی ہوتی تھی۔ گزشتہ چھ ماہ سے ذرائع آمدنی بند ہو چکی ہے۔

کاریگر معاشی حالات سے دو چار

پندرہ دن سے کاروبار کا آغاز ہو چکا ہے لیکن کاروبار نہیں کے برابر چل رہا ہے۔

کاریگر سراج خان نے کہا کہ ساڑی پولش کے کام 30 برس سے کر رہے ہیں۔ اس کے علاوہ کوئی اور کام نہیں کر سکتے ہیں۔

سراج خان نے حکومت سے اپیل کی ہے کہ وہ چھوٹے کاروباریوں کی مدد کریں۔ لاک ڈاون کے بعد سے حالات بہت خراب ہوچکے ہیں۔