سیرت النبی اکیڈمی کے صدر مولانا علی پاشا قادری نے ای ٹی وی بھارت سے اس ضمن میں خصوصی گفتگو کرتے ہوئے بتایا کہ 'عدالت عظمی کے فیصلے کا وہ احترام کرتے ہیں اور بھارتی جمہوریت میں انھیں یہ حق حاصل ہے کہ وہ نظر ثانی کی درخواست دائر سکتے ہیں'۔
مولانا قادری نے بتایا کہ منگل کے روز متوقع طور پر وہ درخواست داخل کریں گے۔
مولانا علی پاشاہ نے تشویش کا اظہار کرتے ہوئے کہا کہ سپریم کورٹ کے فیصلے کے بعد مختلف گوشوں میں اس فیصلے کے متعلق بے چینی پائی جارہی ہے اس لیے وہ ایک ذمہ دار بھارتیشہری ہونے کے ناطے چاہتے ہیں کہ سپریم کورٹ کے فیصلے پر کوئی حرف نہ آئے۔
مولانا قادری نے سپریم کورٹ کے حالیہ فیصلے کا ایک حوالہ دیتے ہوئے کہا کہ ایس سی ایس ٹی سے متعلق قطعی فیصلے کو نظر ثانی کے لیے رجوع کیا جس کے بعد فیصلے میں تبدیلی بھی واقع ہوئی۔ اسی طرز پر سیرت النبی اکیڈمی بھی نظر ثانی کی اپیل کرتے ہوئے فیصلے کے متعلق مکمل اطمنان چاہتی ہے۔
