جامعہ نظامیہ میں دینی وعلمی مذاکرہ

عالم اسلام کی عظیم دینی درسگاہ جامعہ نظامیہ کے زیر اہتمام 'مسلمانوں کو درپیش چیلنجز اور ان کا حل' عنوان پر حیدرآباد میں ایک علمی مذاکرہ منعقد ہوا۔

اس مذاکرے میں مسلمانوں کو درپیش چیلنجز کا احاطہ کرتے ہوئے ذیلی عنوانات پر ممتاز علما اور اسکالرز نے علمی اور تحقیقی مقالے جات پیش کیے-

شیخ الفقہ جامعہ نظامیہ مولانا مفتی حافظ سید ضیاء الدین نقشبندی نے بعنوان 'وطن عزیز کا تحفہ اور مسلمانوں کا کردار' پر اپنا مقالہ پیش کیا، شیخ الفقہ نےاپنےمقالے میں ملک کی آزادی کے لیے علما کرام کی عظیم قربانیوں پر روشنی ڈالی۔مذاکرے میں مختلف علما اور اسکالرز نے مختلف عنوانات پر مقالہ جات پیش کیے۔علمائے کرام نے اپنے مقالے جات میں یہ بتایا کہ دور جدید میں اسلام کی تعلیمات سے استفادہ کرتے ہوئے کامیاب طرز پر بہتر زندگی گزاری جاسکتی ہے، اور اپنے مسائل کو آسانی کے ساتھ حل کیا جاسکتا ہے۔ نظامیہ کے شیخ الجامعہ مولانا مفتی خلیل احمد نے صدارتی کلمات اد کیے اور مقالہ جات پیش کرنے والے اسکالرز کی حوصلہ افزائی کی-