حیدرآباد کے حافظ بابا نگر میں واقع مسجد النور کے روبرو صدر جمعیۃ علماء حلقہ چندرائن گٹہ مولانا اعجاز الدین صدیقی کی صدارت میں یوم جمہوریہ تقریب کا انعقاد عمل میں آیا۔
جمعیۃ علما حلقہ چندرائن گٹہ کی یوم جمہوریہ تقریب
تقریب میں کنچن باغ پولیس انسپکٹر وینکٹ ریڈی، جمعیۃ علماء حلقہ چندرائن گٹہ کے نائب صدر ناصر حسین پاشاہ بھائی نے مہمان خصوصی کی حیثیت سے شرکت کی جبکہ علمائے کرام و عوام کی کثیر تعداد یوم جمہوریہ تقریب میں موجود تھیں۔
مولانا اعجاز الدین صدیقی نے پرچم کشائی کی رسم انجام دی جس کے بعد قومی گیت گایا گیا۔ اس موقع پر خطاب کرتے ہوئے صدر جمعیۃ علماء حلقہ چندرائن گٹہ نے کہا کہ بھارت ایک جمہوری ملک ہے جہاں تمام مذاہب کو مساوی حقوق حاصل ہیں۔ انہوں نے آئین کے تحفظ پر زور دیا۔
