حیدرآباد: ہوا کے کم دباو کے زیر اثر شہر حیدرآباد کے کئی علاقوں میں بارش ہوئی۔ بنجارہ ہلز، میاں پور، چندا نگر، خیریت آباد، سوماجی گوڑا، مشیرآباد، چکڑا پلی، بھولک پور، کواڑی گوڑہ، جواہر نگر،دومل گوڑا، کوکٹ پلی، حیدر نگر، آلوین کالونی، نظام پیٹ اور پرگتی نگر میں بارش ہوئی۔ محکمہ موسمیات کے مطابق ریاست میں اس ماہ کی 17 تاریخ تک ریاست میں ہلکی سے اوسط بارش کا امکان ہے۔ Rain in Hyderabad
اسی دوران نظام آباد شہر میں شدید بارش ہوئی۔ آدھے گھنٹے تک شدید بارش ہوئی جس کے نتیجہ میں نشیبی علاقوں میں پانی داخل ہوگیا۔ ریلوے اسٹیشن میں گھٹنوں تک پانی داخل ہوگیا۔ضلع میں ایک ہفتے سے جاری بارش کے باعث دھان کی فصلو ں کو نقصان پہنچا۔ زمین بوس ہو رہی ہیں۔
یہ بھی پڑھیں: Kashmir Weather کشمیر کے میدانی علاقوں میں ہلکی بارش کا امکان
کاماریڈی ضلع کے بانسواڑہ میں شدید بارش کی وجہ سے تمام سڑکوں پر پانی جمع ہوگیا۔ سنگاریڈی ضلع کے ظہیر آباد اور جھراسنگم منڈلوں میں شام کے وقت موسلادھار بارش ہوئی۔ ہنمکنڈہ میں موسلادھار بارش سے اہم سڑکوں پر پانی جمع ہے۔
یو این آئی
