تلنگانہ میں آج سے محکمہ پولیس کے ملازمین کو کورونا ٹیکے دئے جارہے ہیں۔ کمشنر پولیس رچہ کنڈہ مہیش بھگوت نے سب سے پہلے ویکسین لگائی۔
انہوں نے کہا کہ عوام اس ٹیکہ کے تعلق سے افواہوں پر توجہ نہ دیں۔ کمشنر پولیس ٹیکہ لینے کے بعد تقریبا نصف گھنٹہ تک طبی نگرانی میں رہے۔رچہ کنڈہ کمشنریٹ کے حدود کے 49 مراکز دستیاب ہیں۔
آج 100 پولیس اہلکاروں کو ٹیکے دئے جارہے ہیں اور کل تقریبا 6500 کو یہ ٹیکے دئے جائیں گے۔ ریاست میں یہ دوسرے مرحلہ کی ٹیکہ اندازی مہم ہے۔ آج تقریبا 80 ہزار ملازمین پولیس کو ٹیکہ دینے کا نشانہ رکھا گیا ہے۔
4 فروری تک ریاست میں 1,88,279 ہیلتھ ورکرس کو یہ ٹیکے دئے گئے۔ حکومت جلد ہی ریاست میں کووڈ اسپتالوں کا اعلان کرنے کا منصوبہ رکھتی ہے۔
