بی جے پی خواتین سیل کی جانب سے حیدرآباد کے سوماجی گوڑے میں واقع یشودھا ہسپتال کے سامنے احتجاج کیا گیا۔
اس موقع پر بی جے پی کی خواتین کارکنوں نے کورونا کے علاج کے لیے طے شدہ فیس لینے کا مطالبہ کیا۔ انھوں نے کہا کہ مشکل کی اس گھڑی میں مذکورہ نجی ہسپتال مریضوں سے بے تحاشہ فیس وصول کررہا ہے۔ جس سے مریض اور ان کے افراد خاندان بے حد پریشان۔
خواتین نے مطالبہ کیا کہ نجی ہسپتال کورونا مریضوں کے علاج کے لیے نامزد فیس لے اور بحران کے اس دور میں مدد کے جذبے کے ساتھ کام کرے۔
واضح رہے کہ حیدرآباد میں کئی ایسے واقعات پیش آئے، جہاں کورونا مریضوں سےلاکھوں روپئے کی فیس لی گئی۔ حکومت کی جانب سے تعین کردہ فیس کے برخلاف زیادہ فیسز لینے پر، کچھ ہسپتالوں کے خلاف کاروائی بھی کی گئی۔
