حیدرآباد: سی اے اے اور این آر سی کے خلاف احتجاج

ریاست تلنگانہ کے حیدرآباد کے مہدی پٹنم چوراہے پر بعد نماز جمعہ سی اے اے اور این آر سی کے خلاف احتجاج کیا گیا، اس احتجاج کے دوران یکجہتی کی مثال پیش کرتے ہوئے انسانی زنجیر بنائی گئی۔

مہدی پٹنم چوراہے پر واقع عزیزیہ مسجد کے سامنے بعد نماز جمعہ لوگوں نے شہریت ترمیم قانون کے خلاف احتجاج کیا۔

احتجاج کے دوران لوگوں نے 'ہندو، مسلم، سکھ، عیسائی ہیں آپس میں بھائی بھائی اور آزادی' کے نعرے لگائے۔

اس موقع پر کثیر تعداد میں لوگ موجود تھے اور ان کے ہاتھوں میں مختلف طرح کے بینر اور پوسٹر موجود تھے۔