تلنگانہ کے ضلع میدک میں قطب شاہی مسجد کو آباد کیا گیا ہے۔ کئی برسوں سے غیر آباد قطب شاہی مسجد میں نماز ظہر ادا کی گئی۔
ریاست تلنگانہ کے ضلع میدک میں منگل کے روز 400 سالہ قدیم قطب شاہی دور کی ایک قدیم مسجد کو وقف بورڈ نے آباد کیا۔ وقف بورڈ چئیرمین محمد سلیم اور مقامی مسلمانوں نے مسجد میں نماز ادا کی۔
اس موقع پر محمد سلیم نے مسجد کے امام و موذن کو وقف بورڈ سے تنخواہ دینے اور مسجد کے مرمتی کام ٹین شیڈ، باؤنڈری وال تعمیر کرنے کا اعلان کیا۔
انہوں نے مقامی مسلمانوں سے اپیل کی وہ مسجد کو آباد رکھیں اور نمازوں کا اہتمام کریں۔ انہوں نے کہا کہ ایسی مساجد کی نشاندھی کریں جو غیر آباد ہیں، وقف بورڈ انہیں آباد کرنے کے اقدامات کرے گا۔
واضح رہے کہ اسلام کی پوری تاریخ مسجدوں سے وابستہ ہے۔ تمام انبیائے کرام نے اللہ کی عبادت کے لئے مساجد کی تعمیر کا اہتمام کیا، رسول اکرم صلی اللہ علیہ وسلم جب ہجرت کرکے مدینہ تشریف لے گئے تو سب سے پہلے مسجد قبا پھر مسجد نبوی تعمیر کرائی۔
یہ بھی پڑھیں:اورنگ آباد: تمام مذہبی مقامات کے بجلی بل کو معاف کرنے کا مطالبہ
