سوشل میڈیا کے ذریعہ پولیس کو اس بات کی اطلاع ملی کہ شہر کے مختلف علاقوں میں احتجاج کیے جانے والے ہیں، جس کے پیش نظر پولیس کو کئی جگہ تعینات کردیاگیا تھا۔ پولیس میں ریپڈ ایکشن فورس،کوئک ری ایکشن ٹیم، ٹاسک فورس، سٹی آرمڈ ریزرو پلاٹونس کو تعینات کیاگیا تھا اور ساتھ ہی پولیس کی بسز بھی تیار رکھی گئی تھیں۔
پولیس کے مطابق ٹوئیٹر پر ایک پیغام میں عوام سے خواہش کی گئی تھی کہ وہ بہادر پورہ، مانصاحب ٹینک،نیکلس روڈ، موسی رام باغ، کاچی گوڑہ چوراہا اور ٹولی چوکی علاقوں میں احتجاج کے لیے جمع ہوں۔
سادہ لباس میں بھی پولیس ملازمین کو ٹریفک جنکشنز اور مساجد کے علاوہ دیگر ہجوم والے علاقوں میں تعینات کیاگیا تھا۔ پولیس نے دیر رات تک بھی بندوبست کیا تھا، تاہم کسی بھی قسم کا کوئی احتجاج نہیں ہوا۔
