مہلک وبا کورونا وائرس کے انفیکشن سے تحفظ کے پیش نظر دنیا بھر میں کورونا ویکسین کا بے صبری سے انتظار کیا جارہا ہے، اس کی تیاری کس مرحلے میں ہے اور وہ کب تک بازار میں دستیاب ہوگی۔
اس سے متعلق مزید معلومات حاصل کرنے کے لیے وزیراعظم نریندر مودی آج ویکسین بنانے والی تین کمپنیز کا دورہ کریں گے۔
وزیراعظم کے دفتر نے بتایا ہے کہ مودی حیدرآباد میں واقع بھارت بائیوٹیک، احمد آباد کی ویکسین بنانے والی زیڈز بایوٹیک پارک اور پونے کی سیرم انسٹی ٹیوٹ آف انڈیا کا دورہ کریں گے۔
اس سے وزیراعظم کو کورونا ویکسین کی تیاری مرحلے اور اس سے متعلق چیلنجز کے بارے میں معلومات حاصل ہوں گی۔
وزیراعظم کے دفتر نے ایک ٹوئٹ میں کہا کہ 'وزیراعظم نریندر مودی کورونا وائرس کی ویکسین بنانے کے عمل کا جائزہ لینے کے لیے خود کل تین شہروں کا دورہ کریں گے'۔
ٹوئٹ میں مزید کہا گیا ہے کہ مودی حیدرآباد میں بھارت بائیوٹیک، احمد آباد کے زیڈز بائیوٹیک پارک اور پونے میں سیرم انسٹی ٹیوٹ آف انڈیا کا دورہ کریں گے'۔
ایک ٹویٹ میں کہا گیا ہے کہ 'چونکہ بھارت اب کووڈ-19 کے خلاف جنگ کے فیصلہ کن مرحلے میں داخل ہورہا ہے اور وزیراعظم کو ان کمپنیز کے دورے اور سائنسدانوں سے بات چیت سے کورونا وائرس کی ویکسین کی تیاری، ملک کے شہریوں کو اس کی دستیابی اور اس سے متعلق چیلنجز کا علم ہوگا'۔
ریاستوں اور مرکزکے زیر انتظام خطوں کے وزرائے اعلیٰ سے ملاقات کے دوران مسٹر مودی نے اس ہفتے کہا تھا کہ کورونا وائرس کی ویکسین کب تک آئے گی، یہ صرف متعلقہ کمپنی اور سائنسدان ہی درست طور پر بتاسکیں گے۔
