حیدرآباد۔ وزیراعظم مودی کے کارناموں بشمول کوویڈ ٹیکوں کی تشہیر پر بی جے پی پر تنقید کرتے ہوئے ٹی آرایس کے کارگذارصدر و وزیر صنعتیں تارک راما راو نے طنزیہ طورپر وزیراعظم کو نوبل انعام دینے کامطالبہ کیا۔تارک راما راو نے،مرکزی وزیر سیاحت جی کشن ریڈی کے اس بیان کے بعد یہ طنزیہ ریمارک کئے جس میں انہوں نے دعوی کیاتھا کہ نریندرمودی نے باہمت طریقہ سے کوویڈ کا ٹیکہ ایجاد کیا۔ٹوئیڑپریہ ویڈیو وائرل ہوگیا جس میں مرکزی وزیر کو یہ کہتے ہوئے سنا گیا کہ ہمارے ملک کے وزیراعظم نریندرمودی نے باہمت طریقہ سے کوویڈکاٹیکہ ایجاد کیا۔Prime Minister should be given Nobel Prize
اس ویڈیو پر ردعمل ظاہر کرتے ہوئے تارک راما راو نے ٹوئیٹ کیا ”آئیے ہم مطالبہ کریں کہ میڈیسن یا سائنس میں مودی جی کو نوبل انعام دیاجائے کیونکہ بظاہر مودی نے کوویڈ کا ٹیکہ باہمت طریقہ سے ایجاد کیا۔ان کی کابینہ کے رفقا حقیقی طورپرکافی ہوشیا رہیں۔مجھے بالخصوص کشن ریڈی کی ا س بات کو قبول کرنی چاہئے۔وزیراعظم پر طنز کو جاری رکھتے ہوئے انہوں نے ٹوئیٹ کیا کہ مودی جی نوبل انعام کے کس زمرہ میں مستحق ہیں؟ نوبل انعام برائے میڈیسن۔کوویڈ کے ٹیکہ کو ایجاد کرنے کے لئے۔نوبل انعام برائے معاشیات۔نوٹ بندی،سوئس بینک سے کالا دھن لانے کے لئے۔نوبل انعام برائے امن۔روس اور یوکرین کی جنگ کو چھ گھنٹے روکنے کے لئے۔نوبل انعام برائے فزکس۔راڈار تھیوری کیلئے۔انہوں نے ساتھ ہی مودی کی ویڈیو بھی شئیر کی اور کہا”ان تمام بی جے پی والوں کے لئے جو یہ محسوس کرتے ہیں کہ وشواگرو، نوبل سے زیادہ کے مستحق ہیں۔میں مودی جی کو روپئے کی قدر میں گراوٹ پر 2013میں اُس وقت کی مرکزی حکومت پر تنقید کرنے کی اداکارانہ مہارت پر نامزد کرنا چاہتا ہوں۔کم از کم بھاسکر ایوارڈ تو ان کو دیاجانا چاہئے“
مزید پڑھیں:KTR Criticizes BJP Leader Bandi Sanjay کے ٹی آر کی بی جے پی رہنما بنڈی سنجے پر نکتہ چینی
یو این آئی
