کشن ریڈی نے کہاکہ صورتحال پُرامن ہے اور جموں و کشمیر کے بیشتر حصوں میں دفعہ 144میں نرمی دی گئی ہے۔
انہوں نے کہا کہ پاکستان ملک میں مسائل پیدا کرنے اور عوام کو اکسانے کی کوشش کررہا ہے۔ہم داخلی سلامتی کی برقراری، بیرونی خطرات کا سامنا کرنے اور ہماری سرحدات کے تحفظ کے لیے تمام اقدامات کر رہے ہیں۔مرکزی وزیر نے کہا کہ دفعہ 370کی منسوخی مودی حکومت کی جانب سے لیا گیا ایک تاریخی فیصلہ ہے اور اس سے جموں وکشمیر میں عام آدمی کے معیار زندگی میں بہتری آئے گی۔انہوں نے کہاکہ جموں و کشمیر کی بعض مقامی سیاسی جماعتوں کا خود کا مفاد ہے جس کے لیے وہ ریاست کے عوام کو گمراہ کر رہی ہیں۔انہوں نے کہاکہ دفعہ 370کی منسوخی کے بعد اب عوام کے مفاد میں تمام اسکیمات پر وہاں عمل ہوسکے گا۔کشن ریڈی نے کہا کہ وزارت داخلہ نے ہند۔پاک سرحد اور ہند۔تبت سرحد پر اسمارٹ فینسنگ لگانے کی شروعات کی ہے جس کے ذریعہ دہلی کے نارتھ بلاک سے سرحد پر کسی بھی قسم کی سرگرمی پر نظر رکھی جاسکتی ہے اور فوری طورپر کارروائی کی جاسکتی ہے۔
