حیدرآباد: سکندرآباد ریلوے اسٹیشن پر فائرنگ میں ہلاک ہونے والے دامودر راکیش (23 سال) کا تعلق ورنگل ضلع سے ہے۔ راکیش کا آبائی شہر خانپورم منڈل کا دبیر پیٹا گاؤں ہے۔ راکیش ایک غریب کسان خاندان سے ہے۔ والدین کمارا سوامی اور پولمما ہیں اور اس کی دو بہنیں ہیں۔
وہیں راکیش ہنوماکونڈا ٹاؤن میں بیچلر ڈگری کی تعلیم حاصل کر رہے تھے۔ اس نے چھ ماہ قبل منعقدہ آرمی بھرتی ریلی میں فزیکل ٹیسٹ پاس کیا تھا اور وہ تحریری امتحان Written Exam کی تیاری کر رہا تھا۔ کل شام راکیش اپنے والدین کو یہ بتانے آیا تھا کہ وہ آرمی آفس میں کام کرتا ہے۔ وہیں راکیش کی بڑی بہن بی ایس ایف میں ہے۔
واضح رہے کہ فوج میں بھرتی کے لیے مرکز کی نئی اسکیم 'اگنی پتھ' کے خلاف احتجاج کر رہے مظاہرین پر جمعہ کو پولیس کی فائرنگ میں ایک شخص کی موت ہو گئی اور چار دیگر زخمی ہوئے تھے۔ اس اسکیم کے خلاف سب سے پہلے بہار اور اتر پردیش میں مظاہرے شروع ہوئے جس کے بعد یہ جنوبی ریاست میں بھی پھیل گیا۔ ریلوے پروٹیکشن فورس نے مظاہرین کو منتشر کرنے کے لیے سکندرآباد ریلوے اسٹیشن پر فائرنگ کی جس کے نتیجے میں ایک شخص کی موت ہوگئی۔
