حیدرآباد: سابق بھارتی کرکٹر ہربھجن سنگھ نے ایک پاکستانی صحافی کو تنقید کا نشانہ بنایا، کیونکہ اس نے چیمپئنز ٹرافی 2025 میں بھارت کی شرکت کے حوالے سے ہربھجن کے موقف کا مذاق اڑانے کی کوشش کی۔ دراصل ہربھجن نے بھارت کو آئی سی سی ایونٹس کے لیے پاکستان کا دورہ نہیں کرنے کا مشورہ دیا تھا۔
پاکستانی صحافی نے 2006 میں پاکستان اور بھارت کے درمیان کھیلے گئے ٹیسٹ میچ کے اسکور کارڈ کی تصویر سوشل میڈیا پر شیئر کی، جس میں شاہد آفریدی نے بھارتی آف اسپنر پر چار چھکے لگائے تھے اور اس تصویر کے کیپشن میں لکھا کہ یہ وہی سیکیورٹی مسائل تھے جن کی طرف ہربھجن اشارہ کر رہے تھے۔
No not for this . Cricket Mai Jeet har lagi rehti hai. I will tell u the real problem is this . Check the photo ⬇️ . Now get the F…. out of here . F ka Matlab samaj aa gya hoga ya samjau? F means ur name . Plz don’t think what u r thinking th meaning of F. You know what I mean… https://t.co/BLz6TRwcB3 pic.twitter.com/bqrGlro7tC
— Harbhajan Turbanator (@harbhajan_singh) August 1, 2024
جس کے جواب میں ہربھجن نے اس پوسٹ کو ری ٹویٹ کیا اور لاہور میں سری لنکن کرکٹ ٹیم کو لے جانے والی بس پر حملے کے بارے میں 2009 کے ایک اخبار کا اسکرین شاٹ شیئر کر دیا۔ ہربھجن اس تصویر کے کیپشن میں لکھا کہ یہی وجہ ہے کہ بھارت کو پاکستان کا سفر نہیں کرنا چاہیے۔
اس کے جواب میں ہربھجن سنگھ نے ایکس پوسٹ میں لکھا کہ نہیں، یہ وجہ نہیں ہے، کرکٹ میں ہار جیت ہوتی رہتی ہے۔ میں آپ کو بتاتا ہوں کہ اصل مسئلہ یہی ہے، یہاں تصویر دیکھیں۔ اس کے بعد ہربھجن نے انگریز لفظ ایف کا بھی استعمال کیا اور لکھا کہ آپ کو ایف کا مطلب سمجھ آ گیا ہو گا یا میں سمجھا دوں؟
واضح رہے کہ جب سے یہ اعلان ہوا ہے کہ چیمپیئنز ٹرافی 2025 کا انعقاد پاکستان میں ہوگا تب سے لیکر اب تک بھارت کے اس ٹورنامنٹ میں شرکت کو لے کر غیر یقینی صورتحال بنی ہوئی ہے۔ گزشتہ سال بھی ایشیا کپ کے دوران بھارت نے اپنے تمام میچ سری لنکا میں کھیلے تھے جبکہ ٹورنامنٹ پاکستان کی میزبانی میں منعقد ہوا تھا۔
