Nikhat zareen boxing champion نکہت زرین مستقبل میں بھی میڈل حاصل کرنے کے لیے پر عزم

نکہت زرین نے کہا کہ اگر زندگی میں کچھ بننا ہے تو محنت کریں، اپنے آپ پر بھروسہ رکھیں، ہار نا مانیں، محنت کرنے والوں کی کبھی ہار نہیں ہوتی۔ Nikhat zareen

حیدرآباد: تلنگانہ سے تعلق رکھنے والی خاتون باکسنگ چیمپئن نکہت زرین نے کامن ویلتھ گیمس میں گولڈ میڈل جیتنے پر رد عمل کا اظہار کرتے ہوئے کہا کہ انہیں بھارت کیلئے میڈل جیتنے پر فخر ہے اور وہ مستقبل میں بھی اس طرح کی کامیابی حاصل کرنے کے لیے پر عزم ہیں- Nikhat zareen boxing champion

انہوں نے تلنگانہ اور بھارت سے مزید خاتون باکسر سے میڈل کی توقع ظاہر کی۔ نکہت نے کامن ویلتھ میں اپنی کارکردگی کا مظاہرہ کرتے ہوئے بتایا کہ انہوں نے ہر میچ میں مکمل 5 پوائنٹ اسکور کیے ہیں اور یہ ان کے لیے آسان نہیں تھا، پھر بھی انہوں نے اپنے کوچ کے تعاون سے اپنا پرفارمنس برقرار رکھنے کی کوشش کی۔

انہوں نے بتایا کہ بھارتی باکسنگ ٹیم بہت مضبوط ہے لیکن اسے مزید تقویت کی ضرورت ہے۔ اگر بین الااقوامی سطح کی کوچنگ اور کوچ فراہم کیے جائیں تو بھارتی باکسر اچھا مظاہرہ کر سکتے ہیں۔ مستقبل سے متعلق انہوں نے بتایا کہ اب وہ ایشین گیمس کی تیاری کریں گی۔