نائب صدر جماعت اسلامی ہند پروفیسر محمد سلیم نے ملک کے مسلمانوں پر زور دیا ہے کہ وہ ابنائے وطن کے روبرو اسلام کا عملی نمونہ پیش کریں۔ پروفیسر محمد سلیم تلنگانہ کے دورے پر ہیں۔
Vice President of Jamaat-e-Islami Hind Prof. Muhammad Saleem on his visit to Telangana
جماعت اسلامی ہند تلنگانہ کے دفتر پر میڈیا کے نمائندوں سے غیر رسمی بات چیت میں اُنھوں نے کہا کہ ملک آج نازک دور سے گذر رہا ہے، اور ایک مخصوص نظریے کو مسلط کرنے کی کو ششیں کی جارہی ہیں، ایسے میں تمام ہم وطنوں کا فرض بنتا ہے کہ اپنے ملک کی بہتری کے لئے آگے آئیں۔
مزید پڑھیں:Jamaat e Islami Hind بابری مسجد اور گجرات فسادات معاملے کی سماعت میں تاخیر کا ذمہ دار کون؟
اُنھوں نے مختلف شعبوں میں جماعت اسلامی کی جانب سے کئے جارہے اقدامات سے بھی واقف کروایا- اس موقع پر امیر جماعت اسلامی ہند حلقہ تلنگانہ مولانا حامد محمد خان، سید تنویر احمد میڈیا سکریٹری جماعت اسلامی ہند کے علاوہ سید فخر الدین علی احمد میڈیا سکریٹری جماعت اسلامی ہند تلنگانہ کے علاوہ دیگر بھی موجود تھے۔
