کورونا وائرس: بی بی پاٹل نے ایم پی فنڈ سے ایک کروڑ دینے کا اعلان کیا

مہلک کورونا وائرس پر قابو پانے کیلئے مرکزی و ریاستی حکومتوں کی جانب سے ممکنہ اقدامات کئے جارہے ہیں، اس ضمن میں مختلف شعبہ حیات سے تعلق رکھنے والے افراد سماجی ذمہ داری کے تئیں اپنی ذمہ داری کو محسوس کرتے ہوئے حکومت کو تعاون کر رہے ہیں۔ رکن پارلمنٹ حلقہ ظہیر آباد بی بی پاٹِل نے اپنے ایم پی فنڈ سے اپنے حلقے میں کورونا سے نمٹنے کیلئے ایک کروڑ کا عطیہ دینے کا اعلان کیا ہے۔

رکن پارلیمان نے اس سلسلے میں ضلع کلکٹر کو خط لکھ کر ایم پی لیڈ فنڈز کا عطیہ دینے کی خواہش کا اظہار کیا اور کہا کہ اپنے حلقے میں کورونا کی وباء سے نمٹنے کیلئے وہ 1.1 کروڑ کا عطیہ دے رہے ہیں۔

خط

بی بی پاٹِل نے مزید لکھا کہ ان کے فنڈز کے ذریعے حلقے میں میڈیکل سہولیات کی فراہمی، انفراسٹکچر اور دیگر امور کے علاوہ پولیس اور کورونا کے خلاف کام کرنے والوں کی امداد کی جائے۔

ظہیر آباد حلقہ میں سات اسمبلی حلقے موجود ہیں، جن میں تین سنگا ریڈی اور چار کاما ریڈی میں آتے ہیں۔

رکن پارلمنٹ نے سنگاریڈی کو 50 اور کاماریڈی کیلئے 51 لاکھ عطیہ دیا ہے۔