(حیدرآباد) تلنگانہ بھر میں پلے پرگتی (گاؤں کی ترقی) اور پٹنا پرگتی (شہروں کی ترقی) کا پروگرام بڑے پیمانہ پر جاری ہے۔ اس میں بڑے پیمانہ پر عوامی نمائندے حصہ لے رہے ہیں۔
حیدرآباد کے صنعت نگر اسمبلی حلقہ کے بنسی لال پیٹ ڈیویثرن میں پٹنا پرگتی پروگرام میں ریاستی وزیر ٹی سرینواس یادو نے حصہ لیا۔ بعد ازاں انہوں نے پدما راؤ نگر پارک میں شجر کاری کی۔
اس موقع پر انہوں نے کہا کہ لگائے گئے درختوں کا تحفظ ہر فرد کی ذمہ داری ہے۔ کورونا کے بُحران کے وقت آکسیجن کی کتنی اہمیت رہی یہ ہم سب جانتے ہیں۔
انہوں نے مزید کہا کہ درخت لگانے سے ہمیں آکسیجن حاصل ہوتا ہے۔ ہمیں اپنے اطراف کا ماحول بہتر رکھنے کی ضرورت ہے۔
مزید پڑھیں: راموجی فاؤنڈیشن کے ذریعے عبداللہ پورمیٹ پولیس اسٹیشن کی جدید بلڈنگ تعمیر ہوگی
