مرکزی مملکتی وزیر داخلہ کشن ریڈی کو مرکزی وزرات میں ترقی دینے کا امکان ہے۔ کابینہ میں توسیع کے پیش نظر کشن ریڈی حکومت کے ایماء پر وزیر اعظم نریندر مودی کی رہائش گاہ پہنچے۔ بتایا جارہا ہے کہ کشن ریڈی کو مرکزی کابینہ میں ترقی دی جائے گی۔
کشن ریڈی کابینہ میں توسیع کے پیش نظر وزیر اعظم کی رہائش گاہ آنے کی کال پر روانہ ہوئے۔
کشن ریڈی کے ساتھ مرکزی مملکتی وزراء پُرشوتھم روپالا اور انوراگ ٹھاکر بھی وزیر اعظم کی رہائش گاہ پہنچے۔ انہیں بھی وزرات میں ترقی دیے جانے کا امکان ہے۔
کشن ریڈی تلنگانہ کے سکندرآبادسے لوک سبھا کے ایم پی ہیں، 2019 میں انھیں مرکزی وزیر مملکت برائے امور داخلہ بنایا گیا۔
