سنگاریڈی ضلع میں گوداوری کے معاون دریا کے آبگیر علاقہ میں پانی کا شدید بہاؤ دیکھا جارہا ہے، اس میں 746 ٹی ایم سی فیٹ کی گنجائش ہے۔ جہاں اتوار کی صبح ہی سے پانی کی سطح میں اضافہ درج کیا جارہا ہے۔
اس پروجیکٹ کے اے ای ای سوریہ کانت نے کہا کہ پروجیکٹ میں جون اور جولائی میں قابل لحاظ پانی کا بہاؤ دیکھا جاتا ہے چونکہ آبگیر علاقہ میں شدید بارش ہورہی ہے اسی لئے اس پروجیکٹ کی آبی سطح میں بھی بتدریج اضافہ درج کیا جارہا ہے۔
انہوں نے کہا کہ موجودہ سیزن کے دوران اس پروجیکٹ میں 637 ایم سی فیٹ پانی کا بہاؤ درج کیا گیا۔ اس پروجیکٹ میں فی الحال 1318 کیوزک پانی کا بہاؤ دیکھا گیا۔ بارش کے نتیجہ میں سنگاریڈی اور کاماریڈی اضلاع کے کسانوں میں مسرت کی لہر دیکھی جارہی ہے۔ کیوں کہ وہاں کی کئی نہریں لبریز ہوگئی ہیں۔
یواین آئی
