حیدرآباد پولیس نے نقلی دبئی شیخ کو گرفتار کیا ہے۔
تفصیلات کے مطابق مفت میں حج اور عمرہ کرانے کا تیقن دے کر لوگوں سے رقم لوٹنے والے شخص شیخ مصطفٰے محمد کو پولیس نے گرفتار کیا۔
پولیس نےمذکورہ شخص اور اس کےساتھی خواجہ فہد علی،ایم کے عقیل،ایم کے منیر،ایم ڈی نعمان،تنویر،سمیر خان،صفدر خان کو گرفتار کیا۔ اور 1.75 لاکھ روپئے، کے علاوہ کووڈ کٹز ضبط کیے۔
مذکورہ شخص ریاست کیرل کے کننور سے تعلق رکھتا ہے اور وہ گزشتہ ماہ حیدرآباد آیا تھا،اس نے حیدرآباد میں لوگوں سے کہا کہ وہ دبئی میں ایک مذہبی تنظیم کا نمائندہ ہے۔ اس نے لوگوں سے کہا کہ وہ غریب مسلمانوں کو حج و عمرہ کے سفر پر لے جانے کے لیے یہاں آیا ہے۔ اور اس بار پرانے شہر حیدرآباد کی عوام کو سفر حج وعمرہ پر لے جانا طے پایا ہے۔
اس شخص نے پرانے شہر میں ایک دفترقائم کیا اور 500 روپئے لے کر لوگوں کے ناموں کا فرضی اندراج کیا۔ اس طرح تین دنوں میں 500 لوگوں نے یہاں اپنے ناموں کا رجسٹریشن کروایا۔اس کے علاوہ ہر ایک شخص سے مزید 2500 روپے کووڈ ٹیسٹ کےنام پروصول کیے۔
اس پورے عمل میں کچھ لوگوں کو شبہ ہوا اور انھوں نے حسینی علم پولیس اسٹیشن میں شکایت درج کی، جس کے بعد پولیس نے منگل اور بدھ کے روزشیخ مصطفٰے محمد اور اس کے ساتھیوں کو گرفتار کیا۔
