ساتویں نظام میر عثمان علی خان بہادر کی صاحبزادی بشیر النسا بیگم کا آج صبح پرانی حویلی میں واقع ان کی قیامگاہ (مسرت محل) میں انتقال ہوگیا۔ وہ نظام خاندان کی واحد بقید حیات رکن تھی۔
بشیرالنسا بیگم کی شادی نواب کاظم یار جنگ (علی پاشاہ) سے ہوئی تھی جن کا 1998 میں انتقال ہوگیا تھا۔
اطلاعات کے مطابق بعد نماز ظہر جنازہ کی نماز ادا کی گئی اور مصری گنج میں واقع درگاہ یحیٰ پاشاہ کے قبرستان میں تدفین عمل میں آئی۔
پسماندگان میں اکلوتی بیٹی رشیدالنسا بیگم شامل ہیں۔ نواب نجف علی خان نے بتایا کہ بشیرالنسا بیگم کا انتقال خاندان کےلیے بہت بڑا نقصان ہے کیونکہ صاحبزادی حیدرآبادی ثقافت، روایات اور اقدار کی مظہر تھیں۔
