ایک رپورٹ کے مطابق حیدرآباد میں شوگر مریض ہر گھر میں موجود ہیں۔ اسی ضمن میں مونٹ ہیرا ہاسپٹل ریتی بولی مہدی پٹم میں میڈکل کمیپ کا انعقاد عمل میں آیا۔
ڈاکٹر انیقہ حسینی نے کہا کہ یہ کیمپ شوگر ڈے کے پیش نظر خواتین کے لئے رکھا گیا ہے جس میں شوگر ٹیسٹ بی پی ٹیسٹ کے علاوہ دیگر ٹیسٹ اور دوائیں مفت دی گئی ہیں جس میں غریب طبقے سے تعلق رکھنے والی متعدد خواتین نے اپنی تشخیص کرائی۔
یہ بھی پڑھیں:تریپورہ میں پرتشدد واقعات کے خلاف حیدرآباد میں احتجاجی مظاہرہ
انہوں نے کہا کہ حیدرآباد میں رات بھر جاگنا بھی شوگر بڑھنے کی ایک وجہ ہے۔ بالخصوص خواتین چہل قدمی پر توجہ نہیں دیتی ہیں جس کی وجہ سے ہر گھر میں ایک شوگر مریض ہے۔ انہوں نے کہا کہ روزانہ کم از کم ایک گھنٹہ چہل قدمی کریں اور ہوٹلوں کے کھانوں سے پرہیز کریں-
اس موقع پر رکن اسمبلی نامپلی جعفر حسین معراج اور نالہ نگر کا رپورٹر محمد نصیرالدین، ملے پلی کوٹا شیخ قاسم دیگر موجود تھے۔
