باساوتکرام انڈو۔ امریکن کینسر اسپتال کے میڈیکل ماہر ڈاکٹر سینتھل راجپا نے وضاحت کی ہے کہ صحتمند افراد میں سے کووڈ-19 سے اموات کی شرح تقریبا دو سے تین فیصد ہے۔ لیکن کینسر کے مریضوں کو اس وبا سے زیادہ خطرہ لاحق ہوتا ہے، جو 20 فیصد کی شرح ہوسکتی ہے۔
اگرچہ مہلک ناول کورونا وائرس کی وجہ سے سانس لینے کے عمل پر اثرات کے بارے میں کئی باتیں سامنے آرہی ہیں، لیکن متعدد مطالعات میں یہ بتایا گیا ہے کہ کینسر کے مریضوں میں اموات کی شرح اس بیماری سے شکار دوسروں کے مقابلہ میں بہت زیادہ ہے۔
باساوتارکم انڈو امریکن کینسر اسپتال میں کینسر کا علاج کرنے والے یعنی آنکولوجسٹ ڈاکٹر سینتھیل راجپا نے بتایا کہ کینسر کے مریضوں میں ناول کوروناوئرس کا خطرہ زیادہ ہوتا ہے۔
انہوں نے وضاحت کی کہ عام آبادی میں COVID-19 اموات کی شرح 2 سے 3 فیصد ہے جبکہ کینسر کے مریضوں میں اموات کی شرح 20 فیصد ہے۔
ڈاکٹر سینتھیل راجپا کے ای ٹی بھارت کے ساتھ خصوصی انٹرویو کے اقتباسات یہ ہیں:
- کورنا وائرس کا کینسر کے مریضوں پر کیا اثر پڑسکتا ہے؟
کینسر کے زیادہ تر مریض 60 سال سے زیادہ عمر کے ہوتے ہیں۔ ان میں عام ذیابیطس، ہائی بلڈ پریشر جیسی دیگر پیچیدگیاں ہونا عام ہے۔ نتیجے کے طور پر ان میں قوت مدافعت کم ہے۔ کیمو اور تابکاری کے علاج بھی امیونوسوپریشن کا سبب بن سکتے ہیں۔ ان لوگوں کے لئے جو پہلے ہی انفیکشن کے خطرہ میں مبتلا ہیں۔ ان کے لیے کووڈ 19 خطرناک ثابت ہوگا۔
کینسر کے مریض اس وائرس کے لیے انتہائی حساس ہیں۔ اگر انفکشن ہوتا ہے تو انھیں وینٹی لیٹر کا تعاون حاصل کرنا پڑے گا۔ کینسر کے مریضوں میں موت کے امکانات زیادہ ہیں۔
- کینسر پہلے ہی مہلک سمجھا جاتا ہے۔ کیا کینسر کے مریضوں کے لئے اس وباء کے دوران اسپتال جانے سے پرہیز کرنا ممکن ہے؟
کینسر کے مریضوں کا علاج مخصوص وقفوں سے کرنا چاہئے۔ تاہم کچھ نکات پر غور کرنا ہوگا۔ کچھ مریضوں میں بحالی کی شرح 100 فیصد ہے۔ اس طرح کے یقینی علاج معالجے ملتوی کرنا جان لیوا ہے۔
مثال کے طور پر اگر چھاتی کا سرطان کے بارے میں جلد پتہ چلا تو مکمل طور پر ٹھیک ہوسکتا ہے۔ کچھ معاملات میں ہم علاج جاری رکھتے ہیں لیکن بیماری دور نہیں ہوتی ہے۔ ایسے معاملات میں علاج صرف مریض کی عمر کو طول دینے کے لئے مفید ہے۔ ہم ایسے مریضوں کے لئے تھراپی میں معمولی تبدیلیوں کا مشورہ دیتے ہیں۔ ہم ان سے ان کی سرجری ملتوی کرنے کے لئے مشورہ دیتے ہیں۔
عام طور پر علاج بعض اوقات پہلے سرجری اور کیمو تھراپی کے بعد کیا جاتا ہے۔ موجودہ منظر نامے میں ہم پہلے کیمو اور ریڈیو تھراپی انجام دے رہے ہیں۔
اسی صورت میں بہت کم لوگوں کو اسپتال میں داخل ہونے اور ان کے علاج کی ضرورت ہے۔ ہم انہیں زبانی دوائیں لکھ رہے ہیں۔
اگر ہمیں یقین ہے کہ کچھ دوائیں امیونوسوپریشن کا سبب بن سکتی ہیں تو ہم ان کی طاقت کو کم کر رہے ہیں۔
پہلے سے بک کروانے والے مریضوں کو مشورہ دیا جاتا ہے کہ وہ مزید کچھ ہفتوں کا انتظار کریں۔ ہنگامی صورت حال تک ہم جتنا ممکن ہو سرجری موخر کر رہے ہیں۔ ان ذرائع سے ہم مریضوں کی تعداد کو کم سے کم کرنے کی کوشش کر رہے ہیں۔
- کیا ٹیلی میڈیسن (آن لائن کے ذریعے مریض کی کیفیات دیکھ کر دوا نامزد کرنا) استعمال میں آئے گی؟
ضرور ہم ٹیلی میڈیسن کا بہترین استعمال کر رہے ہیں۔ ہم واٹس ایپ کے ذریعے مریضوں کو فون کرنے کے لئے مشورے دے رہے ہیں۔
کینسر کے مریضوں کو میرا مشورہ یہ ہے کہ اگر آپ گھر سے باہر آتے ہیں تو آپ اپنی جان اور اپنی دیکھ بھال کرنے والوں کی جان کو خطرے میں ڈال رہے ہیں۔ صرف شدید علامات کی صورت میں کینسر کے مریضوں کو فوری طور پر اسپتال لے جایا جانا چاہئے۔
- کیا کوئی خاص احتیاطی تدابیر ہیں جو کینسر کے مریضوں کو ضرور اپنائی جانی چائیے؟
انہیں ہر ایک کی طرح احتیاطی تدابیر اپنانی چاہیے۔ انہیں لازمی طور پر متناسب اور صحت بخش کھانا لینا چاہئے۔
کنبہ کے مریضوں اور دیکھ بھال کرنے والوں کو بھی کینسر کے مریضوں کے ساتھ قریبی رابطے سے گریز کرنا چاہئے تاکہ COVID-19 مزید خطرہ میں نہ ڈال سکیں۔
