تلنگانہ کے بی جے پی صدر بنڈی سنجے نے آندھراپردیش کے تروپتی میں بی جے پی کے دفتر میں میڈیا سے خطاب کرتے ہوئے وائی ایس آر حکومت پر نکتہ چینی کی۔
مذکورہ رہنما تروپتی لوک سبھا انتخاب کے سلسلے میں یہاں پہنچے۔انھوں نے کہا کہ جس طرح تلنگانہ میں کے چندرشیکھر راو کو عوام نے دوباک ضمنی انتخاب اور جی ایچ ایم سی الیکشن میں سبق سکھایا اسی طرح جگن کو بھی عوام سبق سکھائے گی۔
بنڈی سنجے نے حسب سابق کی طرح نفرت انگیز مہم چلائی۔ انھوں نے کہا کہ عوام کو یہ سونچنا چاہئے کہ مندروں پر حملہ کرنے والوں کوووٹ دیں گے یا مندروں کی حفاظت کرنے والوں کو ووٹ دیکر کامیاب کریں گے۔
انھوں نے کہا کہ آندھراپردیش میں مندروں میں مورتیوں کو مسمار کیا جاتا ہے مگر وزیراعلی جگن موہن ریڈی خاموشی اختیار کرتے ہیں۔ انھوں کہا کہ ہندووں کے صبر کو بزدلانہ سمجھاجاتا ہے۔
بنڈی نے مزید کہا کہ تلنگانہ نے تمام ہندووں نے متحد ہوکر بی جے پی کو ووٹ دیا اسی طرح آندھراپردیش میں بھی تمام ہندو بی جے پی کا ساتھ دیں گے۔
یہ بھی پڑھیں:تلنگانہ میں اقلیتی بہبود کے لیے مثالی بجٹ، بس رقم خرچ نہیں ہوتی
