تلنگانہ میں بارش سے فصلوں کو نقصان

تلنگانہ کے ضلع عادل آباد میں ہوئے شدید بارش کے سبب فصلوں کو بڑے پیمانہ پر نقصان پہنچا ہے جس پر کسانوں نے افسوس کا اظہار کرتے ہوئے حکومت سے معاوضہ کا مطالبہ کیا ہے۔

حال ہی میں ہوئی شدید بارش کے نتیجہ میں تلنگانہ کے ضلع عادل آباد میں فصلوں کو بڑے پیمانہ پر نقصان پہنچا ہے جس پر کسانوں نے افسوس کا اظہار کرتے ہوئے حکومت سے معاوضہ کا مطالبہ کیا ہے۔

اس کے پیش نظر محکمہ زراعت کے عہدیداروں کا کہنا ہے کہ فصلوں کے نقصان کے معاوضے کے لیے حکومت کو رپورٹ بھیجی گئی ہے تاہم دوسری طرف کسانوں کی تنظیموں کا الزام ہے کہ صرف رسم کی تکمیل کے لئے ہی رپورٹ دی گئی ہے۔

محکمہ زراعت کے عہدیداروں نے اپنی رپورٹ میں کہا ہے کہ ضلع کی 19ہزار ایکڑ اراضی پر پھیلی فصلوں کو نقصان پہنچا ہے۔ کسان تنظیم کے رہنماؤں مطالبہ کیا کہ نقصانات کا مکمل سروے کرتے ہوئے رپورٹ بھیجی جائے۔