مانجرا ندی میں پانی کے شدیدبہاو کے بعد نظام آباد ضلع حکام نے تلنگانہ مہاراشٹرکی سڑک کو بند کردیا ہے اور ٹریفک کی نقل وحرکت کو محدود کردیاہے۔ ضلع نظام آبادمیں شدید بارش کی وجہ سے فصلوں اورسڑکوں کو شدید نقصان پہنچا ہے۔قومی شاہراہ نمبر63کو عارضی طورپر بند کردیاگیا ہے کیونکہ سری رام ساگر پروجیکٹ میں پانی کا شدید بہاو درج کیاجارہا ہے۔ Telangana Maharashtra Border Closure
آرمور اور نظام آباد کے درمیان مین روڈ کو بند کردیاگیا ہے کیونکہ آرمور کی دو نہروں میں پانی کا شدید بہاو درج کیاگیا ہے۔عہدیداروں نے یہ بات بتائی۔ دیگر آبی ذخائر جیسے راسالاواگو،تیگلاواگو،کاپلاواگو اورپولاواگو میں بھی پانی کا شدید بہاو درج کیاجارہا ہے۔کسانوں کو مسلسل بارش کی وجہ سے نقصانات کا سامنا کرناپڑا۔سویا، دھان اور دیگرفصلوں کی کاشت متاثر ہوئی ہے۔
یواین آئی
