حیدرآباد: تلنگانہ کے عازمین حج کا پہلا قافلہ تلبیہ کی گونج میں شہرحیدرآباد کے شمس آباد ایئرپورٹ سے روانہ ہوا۔ مرکزی حج کمیٹی کے صدر نشین عبداللہ کٹی، وزیر داخلہ محمد محمود علی اور صدر نشین تلنگانہ اسٹیٹ حج کمیٹی محمد سلیم نے قافلہ کو اتوار کی رات دیر گئے جھنڈی دکھائی۔377 عازمین پر مشتمل یہ قافلہ حج ہاوزسے شمس آباد ایئرپور ٹ کے لیے روانہ ہوا۔ First batch of pilgrims from Telangana leave for Jeddah
سعودی ایرلائنس Saudi Airlines سے مقدس سفر کے لیے روانہ عازمین کے قافلہ میں 214 کا تعلق حیدرآباد سے ہے، جب کہ 16 کا ضلع میدک، 44 کا ضلع نلگنڈہ، 2 کا ضلع سنگاریڈی، 16 کا ضلع سدی پیٹ، 2 کا ضلع گدوال، 12 کا ضلع یادادری بھونگیر اور 11 کا تعلق میڑچل ملکاجگری سے ہے۔
واضح رہے کہ کورونا وائرس وبائی امراض کی وجہ سے دو برس بعد تلنگانہ کے عازمین حج Hajj Pilgrims 2022 کا پہلا قافلا مقدس سفر کے لیے روانہ ہوا۔ وبا کے بعد سعودی حکومت نے حرمین شریفین میں داخلہ انتہائی محدود کرتے ہوئے عمرہ اور حج پر کچھ عرصے کے لیے پابندی لگا دی تھی جس کی وجہ سے بیرون ملک سے عازمین حج اور عمرہ کرنے والوں کی آمد بند ہو گئی تھی۔ رواں برس مقدس عبادت حج کے لیے تقریباً 10 لاکھ لوگوں مشروط کو اجازت دی گئی ہے۔
مزید پڑھیں:
