گرین انڈیا چیلنج: سنتوش کمار کی سابق وزیرجوگورامنا کو مبارکباد

گرین انڈیا چیلنج کے تحت تلنگانہ کے بیشتر مقامات پر بڑے پیمانے پر شجرکاری کو فروغ دیا جا رہا ہے۔ اس پروگرام کی مختلف گوشوں سے کافی ستائش کی جارہی ہے۔

تلنگانہ کی حکمران جماعت ٹی آرایس کے رکن راجیہ سبھا سنتوش کمار نے ضلع عادل آباد میں جاریہ سال 4جولائی کو گرین انڈیا چیلنج کے حصہ کے طورپر لگائے گئے پودوں کے فروغ کے سلسلہ میں مساعی پر سابق وزیر و ٹی آرایس کے رکن اسمبلی جوگورامنا اور ان کی ٹیم کو مبارکباد پیش کی ہے۔

انہوں نے اس خصوص میں کئے گئے ٹوئیٹ میں کہا کہ اس طرح کے نتائج کے لئے پُرجوش ہونا ضروری ہے۔ سنتوش کمار کی جانب سے اس چیلنج کا آغا زکیاگیا ہے جس کے تحت کئی اہم شخصیات نے تاحال کئی پودے لگائے۔

سنتوش کمار نے بڑے پیمانہ پر اس پروگرام کو فروغ دیا ہے۔ریاست کے بیشتر مقامات پر بڑے پیمانہ پر شجرکاری کرتے ہوئے سرسبزی وشادابی کو فروغ دیاجارہا ہے۔اس پروگرام کی مختلف گوشوں سے کافی ستائش کی جارہی ہے۔

یواین آئی